The naked truth away from the ignorant
The naked truth away from the ignorant
الحقيقه المجرده بعيدا عن الجهلاء
General Samy Donia 🇪🇬
حصريا مفيش حرب
مصر بعيده عن اى حروب
وحرب غزة تنتهى عمليا بشكل نهائى
مصر بعيده عن اى حروب وحرب غزه تنتهى عمليا بشكل نهائى.. نزع فتيل التصعيد بين تركيا وإسرائيل فى سوريا واخيرا استكمال تفاوض عودة السوريين بعد توقف…هزيمة ترامب المدويه وفرص مصر الذهبيه ..تطورات ايجابيه سريعه وهائله تنقلنا الى قمة السعاده
كل اللى هنقوله فى التقرير ده افتح اى شاشة اخبار هتلاقيه معلن (( فهل منطقى تلاقى نفس الأشخاص لاتتحدث غير عن تطورات خطيره وعن الحرب ؟؟؟))وانت رايح ترمى نفسك يوميا تسمع ده ..ارجعوا لتقاريرنا موجوده كلها (( يوميا تقرير لمدة شهر سابق ... طيب لمدة سنه ... طيب من تاريخ ٦ اكتوبر ٢٠٢٣م وقت طوفان الاقصى )) هاتوا تقرير واحد قلنا فيه مصر هتحارب !!!!!!! طيب من ١٨ شهر كل يوم تفضلوا تسمعوا تطورات خطيره مصر هتحارب حاملات طائرات الحشد الاميركى والغربى لضرب مصر طيب تهجير الفلسطينيين هيدخلوا سيناء هيضربوا الحدود هيدخلوهم بالعافيه !!!! وكل يوم تقريرنا يوضح الحقيقه وينفى..طيب مش من حقنا احنا اللى نسألكم فى تقريرنا هذا وتجاوبونا (( عشان تعبتونا )) :
يا أصدقائنا الأعزاء … يا اهلى وحبيبي :
مصر حاربت او تورطت فى حرب او صراع ؟؟؟
حد ضرب الحدود ودخل الفلسطينيين بالعافيه ؟؟؟فى حرف طلع من مصر بالسماح بتهجير ؟؟؟مصر تنازلت او فرطت ثانيه فى القضيه الفلسطينيه؟؟؟طيب بايدن ولاترامب ولا اى مخلوق قدر يلمس مصر او يفرض عليها حرف واحد ؟؟؟ وأخيرا اللى مش عايز يرحم نفسه يرحمنا
احنا عايز تفضل عايش كل يوم ان التطورات خطيره وتحارب نفسك مع نفسك ومصر تروح برجليك تسمع وتعيش حالة الحرب والاكشن مش هنمنعك خالص
بس سيبنا الله يخليك احنا مركزين فى صفقات واستثمار وتنمية وصناعه وزراعه وبنعد الثوانى اللى ينفع الدخل يزيد ونترحم من الغلاء والدنيا تستقر…الدنيا اللى جريت من حوالينا فى سنتين وكل حاجه اصبحت اسعارها اضعاف تلاشى معاها احلام كتير جدا اصبحت مستحيله ومش فى متناول ايدين حد.. بصراحه ده الأكشن بتاعنا والمفروض انت كمان الله يخليك رفقا بنفسك وبينا
الحقيقه المجرده بعيدا عن الجهلاء مصر بعيده عن اى حروب وحرب غزه تنتهى عمليا بشكل نهائى : فى صور تحت مرفقه لقطاع غزه وسيناء عام ٢٠٠٠م
اه والله زى مابقلكم عام ٢٠٠٠م فقط لاغير هتلاقوا فيها ان غزه كانت محتله كلها تحت سلطة الاحتلال الإسرائيلي
على حدودنا المصريه من جهة غزه فى فلسطين رفح كان موجود قوات دوليه على معبر رفح وحتى اما غزه عام ٢٠٠٥م اما انسحب منها شارون لوحده برضوا فضل معبر رفح من الجانب الفلسطينى بيديره قوه دوليه مشتركه من الاتحاد الأوروبي والشق الخاص بالورق والبيانات السلطه الفلسطينيه
وده كان ضمن اتفاقيه ضمنها تواجد اعداد حرس حدود اسرائيليه فى محور فيلادلفيا وامامها نقط بقوات حرس حدود فى نفس المحور مصرية
والمحور كله بطول ١٤كم داخل الاراضى الفلسطينيه
(( يعنى مفيش ذرة رمل من مصر ))
الاتفاقيه دى كلها مالهاش اى علاقه باتفاقية السلام كامب ديفيد ١٩٧٩م
(( تمام كده ؟؟؟؟))
مركزين
فى نفس الصور هتلاقى منطقه ((( د )))) داخل حدود دولة الاحتلال بصحراء النقب وموجود فيها بالارقام اعداد التواجد الإسرائيلي عربات وجنود طبقا لاتفاقية السلام كامب ديفيد ١٩٧٩م واللى إسرائيل مغيرتش فيها حرف ولاتقدر ….مركزززززززززززين ؟؟؟؟؟؟
وطبيعى تقريرنا مش هيجيب سيرة حرف يخص المرسوم فى الجانب المصرى او الاعداد او أرقام الجيش المصرى (( ولا من الاساس يامصريين )) دى مجال حديث على مواقع التواصل الاجتماعى او هنا اما يصدر بيان من المتحدث العسكرى يخص الجيش المصرى العظيم (( بنشيره زى ماهو من الصفحه الرسميه )) اذا يامصريين ياشطوريين
هل منطقى تسمع لمدنى غير حاصل على اى تأهيل عسكرى يمكن مدخلش جيش من الأساس بيتكلموا عن احتلال الجيش الإسرائيلي لرفح ؟؟؟ وتهديد مصر وجمل (( غبيه ))
وعناوين (( اغبى )) يحطوها ان الجيش الإسرائيلي احتل الحدود للوهله الأولى تحس انه احتل حدود مصر ؟؟؟ فى الخرائط المرفقه لغزه عام ٢٠٠٠م هتلاقوا كل المسميات اللى بتسمعوها واللى بيفضلوا يكرروها الجهلاء دون علم او وعى
=========
عشان نقول من الآخر :
بعد كل اللى عملته إسرائيل فشلت فشل ذريع وحتى مش هتقدر ترجع تانى لاوضاع عام ٢٠٠٠م الموجود فى الخرائط المرفقه على فكره عام ٢٠٠٠م ده مصر على كامل سيادة اراضيها ومفيش اى خطر او شد وجذب من اى نوع كان موجود على كامل الحدود اكتر من ٢٠٠ كم مش ال ١٤كم الخاصه بغزه اللى جالنا منهم (( القرف كله )) من ساعة ما انسحبت إسرائيل وسلمت غزه للسلطه الفلسطينيه وطبعا باقى المسلسل القذر كلنا عارفينه طرد حماس للسلطه والانفصال بغزه ومن ساعتها حلقات متواصله من مسلسلات الخيانه والقرف والضرب فى مصر والانفاق والتهريب والإرهاب متواصل لم يتوقف ورغم ذلك مصر فضلت بكل قوتها تحافظ ان غزه بالكامل رجعت للفلسطينيين
(( وشيلنا دايما القرف كله))
ونرجع نقول تانى بالفعل فشلت إسرائيل كالمعتاد والمشاكل فى جيشها ودولتها كبيره جدا وجرت كمان ترامب واميركا لمشاكل كبيره جدا جدا جدا ..فى الآخر ترامب اصدر
(( اوامر نهائيه ))
قبل مايبدا زيارته لدول الخليج
(( عشان يلم الفلوس ))
حرب غزه تكون وقفت بشكل نهائى ومعاها سوريا ولبنان وايران واليمن ..المده ثلاثة اسابيع او اقل وإسرائيل هتفضل تكافح انها تعمل او تثبت منطقه عازله فى رفح من حدود مصر لغاية مكان مستوطنة
(( موراج محور موراج ))
انها تكون فارغه مفهاش فلسطينيين وفى الشمال برضوا هيحاولوا يعملوا نفس المنطقه العازله حتى محور نتساريم وكده كده هما وسعوا المنطقه العازله من الشرق اللى كانت موجوده من الاساس وافتكروا ان الاستيطان بيحتاج من ١٠ الى ٢٥ سنه عشان يبنوا ويستقروا المستوطنين الاسرائيليين ومفيش حد من الاساس راضى يرجع مستوطنات غلاف غزه ولا الشمال فى حدود لبنان وكله بيهاجر ويسيب إسرائيل مش يرجع لإسرائيل ولا حد عايز يهاجر لإسرائيل حاليا من الاساس ولاحتى الافارقه (( من اثيوبيا ))ولمدة عشرين سنه حرب غزه هتفضل مؤثره سلبيا على إسرائيل فى الداخل وفى الخارج فى العالم كله
(( ده لو افترضنا ان إسرائيل واميركا هيكونوا لسه موجودين كمان عشرين سنه جايه ))
مصر بتعمل ايه ؟
بتصعد وتضغط باقصى طاقتها عشان تهدم فكرة استقطاع إسرائيل لاى اراضى من غزه يعنى بتحارب سياسيا من اجل اراضى غزه
اللى اتسبب خيانة للفلسطينيين انفسهم فيما يحدث حاليا
بالتالى المباراه بكل وضوح نحافظ على نسبة كام فى الميه من ارض غزه للفلسطينيين (( مبدئيا )) ونفشل دوليا اى فكر لاستفادة إسرائيل من اى ارض فى غزه
تلقائيا إسرائيل مش بتقدر تعيش فى تهديد وبالتالى زى ماقلنا حرفيا فى لبنان هيحصل وغصب عنها حتى اللى هتستقطعه هتسيبه معبر رفح غصب عن انف إسرائيل وافتكروا ده كويس هيرجع الاتحاد الأوروبي واللجنه الدوليه على ادارته من الجانب الفلسطينى وإسرائيل هترضخ وتوافق
الهرى الخاص بالتهجير (( وبنقول الهرى )) طالما مصر قفلت الباب من عندها ومش هتاخد اهل غزه
(( التهجير انتهى وفشل نهائيا ))
ده علم وحسابات معقده هائله للغايه اقصى أحلامهم ده لو عرفوا او قدروا من الاساس يهجروا (( طوعيا )) اعداد مش هتزيد عن ١٠٠ الف ويمكن اقل على دول منها مثلا اندونيسيا اللى رئيسها خضع للضغط الاميركى عشان الرسوم الجمركيه
واعداد ال ١٠٠ الف ده رقم مش
(( عشوائي))
عارفين مين دول وموافقين ومتفقين مسبقا ؟
(( خونة حماس واسرهم كامله ))
عشان بس الصعبانيات والهرى اللى انت بتعمله فى نفسك وانت مش فاهم حاجه ولا اللى بتسمعلهم كل يوم يعرفوا من الاساس حرف من اللى انت بتقراه دلوقت فى التقرير ده
لو سمحتوا ريحوا اعصابكم وياريت تتابعوا فى هدوء الله يخليكم ونركز فى حالنا ومستقبلنا ومستقبل ولادنا وبلدنا
ومصر الشريفه الوحيده اللى وقفت ومازالت وانقذت وهتستكمل انقاذ غزه متقلقوش
والله رحمة ورأفة بأبرياء مالهمش ذنب فى غزه يارب لو هيتعدوا على الأصابع فى النهايه لايمكن التعميم هناك شرفاء ووطنيين وصامدين فى غزه وفلسطين على مدار التاريخ كما يوجد خونه
==== نزع فتيل التصعيد بين تركيا وإسرائيل فى سوريا واخيرا استكمال تفاوض عودة السوريين بعد توقف : ترامب وكلنا سمعنا تهنئته لاردوغان انه اخد سوريا وقال ليه استطعت ان تحقق ماعجز عنه الجميع على مدار الفين عام سابق
(( اه والله زى مابقلكم كده ))
افتح جوجل هتشوف المأساه
(( ومالناش دعوه ياااااامصريين))
ادينا بنقول بكل وضوح السوريين حرين فى وطنهم وبلاش تكونوا خايفين على سوريا اكتر من شعبها
خافوا على بلدكم مصر اولى
إسرائيل كانت ضربت ضباط وخبراء تركيا كانوا متواجدين فى ثلاث قواعد داخل سوريا عشان يجهزوهم الجيش التركى ينزل عليهم (( طبقا لدعوة الشرع ))وعشان نفهم طبيعى إسرائيل عايزه تنفرد بسوريا بالكامل طمع نتنياهو اللى ميقدرش بإمكانيات إسرائيل الضعيفه جدا جدا جدا انه يحققه ..ترامب حسم الموضوع خلاص والاوامر صدرت للاثنين اردوغان ونتنياهو عشان كل واحد ليه الحته بتاعته ويلعبوا مع بعض اخوات ومحدش يتخانق مع التانى
واعتبروا بالظبط (( المصلحه واحده )) لانها الحقيقه اللى شرحناها من يومين بس عن الماسونيه والصهيونيه العالميه واذرعها هتفهموا منها دور اميركا وإسرائيل وتركيا ودول الخليج فى سوريا بدقه
يهم مصر جدا هدوء الامور فى سوريا :
حاليا فى اذربيجان بيتم لقاءات رسميه بين إسرائيل وتركيا عشان ينظموا امورهم فى سوريا
(( وطبعا فى اذربيجان ))
عشان عيب خليفة المسلمين اردوغان بتاع الاخوان يستضيف مسئولين رسمين اسرائيليين فى تركيا
(( وهو كل يوم طالع يهاجم إسرائيل ويدافع عن غزه ))
ومن الناحيه التانيه بيظبط مع حبيبه ورفيق الدرب نتنياهو كل الخطوات زى الظاهر بتاع تهديد ايران ومفاوضات سلطنة عمان لترتيب الامور
(( قذارة الحاجه وعكسها وخداع الشعوب ))
المهم اننا قلنا فى تقريرنا فى تفاوض طبعا
غير رسمى مع حكومة الشرع وطبعا قيادتها اردوغان لعودة السوريين بالكامل اللى عندنا بلدهم وتعبنا ومش هنجاوب عن الاسئله السطحيه وغير المنطقيه والهرى بجهاله عن عودة السوريين لبلدهم :
لامطارات ولاموانئ ولاحكومه ولاسيطره من الاساس
فمتسألش تانى كأن مصر دى شقه هتفتح الباب وتقول لهم امشوا اطلعوا بره = بره فين ؟
هو انت ليك حدود بريه مشتركه مع سوريا زى حدودك البريه مع السودان ؟
طيب نرحلهم بالطيران ؟
مين يتحمل تكلفه بعشرات المليارات ؟
انت يعنى هتدفعهم هتتبرع طيب بجزء من مرتبك ؟؟ لان الحقيقه مصر معهاش التكلفه الكبيره دى ومن ضمن الاتفاقات الجاريه دول الخليج تتحملها
لكن لسه الامور لم تحسم وإسرائيل ضربت فى تركيا وكان الموضوع كله هيفشل
طيب بالطيران هننزل بالعافيه يعنى فى سوريا ؟
فى اى مطار ومين منسقين معاه ؟
والموانئ والسفن نفس الاسئله
لكن فى كتير بيغادروا بارادتهم ورتبوا امورهم وغادروا على دول اخرى وفى غادر على سوريا على حسابهم طبعا
عشان تكلفة العيشه والإقامة وقيود العمل الجديده اصبحت خانقه وبتزيد وهتفضل تزيد القيود كثيرا فى القريب القادم لكن الاعداد اللى غادرت مقارنة ب واحد ونصف مليون من السوريين فى مصر قليله جدا جدا جدا اذا الحل ربنا ييسر عمل اللجان المعقد ينجح ونشوف جسر جوى وبحرى للعوده الى سوريا زى الجسر البرى الرائع لعودة ملايين السودانيين باذن الله لبلدهم
هزيمة ترامب المدويه وفرص مصر الذهبيه :
ترامب ببساطه اعلن تراجع حتى مع الصين الان واعلن ان بدأت مفاوضات معها لانه مش هيقدر ببساطه يستحمل كتير
ومقدرش ينطق مع الاتحاد الأوروبي اللى فرض
رسوم انتقاميه ٢٥% ردا على رسوم ترامب
والاداره الامريكيه اعلنت تعليق الرسوم فورا على الاتحاد الأوروبي لمدة ٩٠ يوم ورد الاتحاد الأوروبي بتعليق رسومه ايضا (( ٩٠ يوم ))
وتوجهات ترامب كلها حاليا يلملم نفسه لانه اتبعتر زياده عن اللزوم والموقف بالداخل الاميركى ينذر بكوارث وليس كارثه واحده (( وتداعيات العاب ترامب )) الهزليه هيستمر صداها وخسايرها ونتائجها على الدوام كضرر لاميركا وهيمنتها والدولار وغيرها كثيرا
فرص مصر الذهبيه
اولا هدوء الوضع عالميا انقذ اقتصاد مصر الناشئ من تداعيات رفع اسعار سلع وتضخم جديد …ثانيا: وده كررناه كثيرا فرص واعده لنقل استثمارات لدول كثيره
اهمها الصناعه ونقل التكنولوجيا والطاقه النظيفه والذكاء الاصطناعي
لازم مصر تسابق الزمن فى الفوز بأكبر وافضل واسرع استثمارات لاننا قلنا المردود فى الصناعه والاستثمار بتبدأ نتائجه بعد ثلاث الى اربع سنوات من بداية العمل فى الاستثمار وهنا بنتكلم عن المردود الرئيسى لان المردود الفرعي يبدأ فورا انشاءات وتركيب ومصانع تورد وخامات بناء ونقل وتجهيز كل دى (( مكاسب وفتح بيوت )) اثناء مرحلة التجهيز اللى هيا من ٣ الى ٤ سنوات بس دى كلها مكاسب متساويش ١٠ % من المكاسب بعد التشغيل اللى بتكون اكبر وافضل
==== تطورات ايجابيه سريعه وهائله تنقلنا الى قمة السعاده : باذن الله هتنتهى حرب غزه ونخلص من العذاب اللى لينا فيه سنه ونصف
(( وان كانت الحقيقه لينا فيه منذ عام ١٩٤٨م ))
لبسونا فى الحيط احنا اتبهدلنا واتأخرنا وفقرنا وهما عاشوا حياتهم وبيعايرونا دلوقت ومازالوا ملهمش علاقه بالموضوع
واحنا بكل وضوح هنساعد لكن مصر اللى بتتصدر وتخسر على حساب نفسها وشعبها
دى مش موجوده خلاص ..ترامب بيلم دهولته وخيبته فى المنطقه اللى ورطته فيها إسرائيل بالتالى باذن الله هيتقفل باب الحوثيين وترجع تستقر الملاحه على خير وبلاش تكون مش فاهم ليه مصر منطقتش حرف وحش فى حق الحوثيين كلوا بيتكلم فى السوريين والسودانيين محدش بيتكلم ان فى (( مليون يمنى فى مصر )) وبرضوا باذن الله تستقر الامور ويرجعوا بلدهم بالف خير وسلامه كفايه كده (( والتمويل خليجى )) ومحدش يفتكر التمويل الخليجي ده بالمحبه يعنى وشهامه واشقاء وعرب وكده (( مصالح تحكمها القوه ))
يفضل عندنا واحد ونصف مليون
منهم مليون من جنسيات مختلفه من (( ١٣٣ دوله )) بالذمه فى دوله فى العالم كله تفضل تاخد ناس من كل دول العالم على مدار اكتر من ٧٠ سنه (( حاجه تحرق الدم ))
المليون دول بالظبط وبدقه (( ٩٣١ الف )) دول اللاجئين واللى مقدمين طلبات لجوء لم تقبل بعد مصر هتحاول تخفضهم الى ٣٠٠ الف خلال عامين == وبعدها عندنا ربع مليون الى نصف مليون ليبى بيدخلوا ويرجعوا (( واحنا مبسوطين وفرحانين بيهم جدا والف اهلا وسهلا بيهم على راسنا )) طالما عندنا اكتر من ثلاثة ملايين مصرى شغالين فى ليبيا وطالما فى استثمارات ومكاسب كبيره جدا مع ليبيا
== وعندنا فى حدود ٢٥٠ الف عراقى طبعا الف اهلا وسهلا بيهم لانهم بالفعل مستثمرين اصبحت بينا وبينهم استثمارات مشتركه فى مصر والعراق وفتحولنا استثمارات كبيره جدا شغال هناك مايقارب مليون ونصف مصرى
وبكل بساطه وبدون اى عواطف طول مافى مكاسب لدولة مصر وشعب مصر مع اى دوله وطول ما الموجودين بيفيدوا فى فتح استثمارات فى بلادهم وضخ استثمارات حقيقيه داخل مصر اهلا بيهم كاستثمار زى اى دوله فى العالم زى برازيلي روسى امريكى هندى صينى فرنسى (( لكن مش حمل ودعم وعبء)) كفايه اوى كده ..باذن الله فى انتظار استثمارات اوروبيه جديده ربنا ييسرها ونأمل ينجح بوتين ويقفل حرب أوكرانيا على خير كفايه خراب واحنا متضررين جدا المنطقه الصناعيه الروسيه متأخره جدا والصينيه سبقتها بسنين ضوئية وشغلت وصدرت وانتجت وكسبتنا يامسهل
يارب نكون قدرنا بقدر المستطاع نقفل باب غزه ورعب الحرب المتواصل على نفسيتكم وابواب كتير تانى منها ملايين المقيمين الأجانب وتعطل قناة السويس والاستثمارات المطلوب السباق باقصى طاقه عليها
اخر حاجه
ارجوكم قبل ماتسألوا عن موضوع ابحثوا فقط ثواني عنه على جوجل وشوفوا اصل الموضوع ايه بلاش تسألونا عن بوست ولاعنوان طير النوم من عينك وجت عليه لان ده بيتعبنا وبياخد مجهود كبير
(( لمجرد انك ملكش نفس تشوف اصل الموضوع ايه لثواني))
حفظ الله مصر وشعبها بخير وتقدم وأمان.
نحمد ربنا ….. وإذكروا الله كثيرا لعلكم تفلحون.
التعليقات على الموضوع