اللواء سامي دنيا يكتب.. فى ذكرى الانتصار والعبقرى المصرى البطل أنور السادات كلام وثائقي

 لأول مرة فى ذكرى الانتصار والعبقرى المصرى البطل أنور السادات  كلام وثائقي

■رحم_الله العبقرى البطل الشهيد أنور السادات يوم_أن_قال_الرئيس_أنور_السادات: هيجى يوم يا عرب وتقولولى إحنا آسفين!!!

■ لما_دخل الرئيس السادات فى مفاوضات مع الإسرائيليين كان عنده هدف إستراتيجى أساسى...وهو الإنسحاب الكامل من الأراضى المصرية المحتلة!!! ■ وكان_شعاره فى المفاوضات "ولا شبر واحد ولا حبة من رمل سيناء" .. ■ أما_الهدف_التانى فكان حل المشكلة الفلسطينية!!

■ مع_إن_الفلسطينيين_نفسهم كانوا رافضين عملية السلام وبيهاجموها!!

■ وعرفات_الكذاب_نفسه_كَذَب وقال السادات مجابش سيرة فلسطين وإنه لو كان تمسك كانت القضية إتحلت!!

■ وعشان_يوصل_لهدفه كان لازم يواجه واحد من أصعب خلق الله وهو مناحم بيجن، والغريب إن السادات مكانش بيواجه مناحم بيجن بس!!! ■ لكن كمان كان بيواجه أعضاء الوفد التفاوضى المصرى نفسهم...من أول وزير الخارجية محمد إبراهيم كامل، إللى إستقال قبل توقيع الإتفاقية...لحد أصغر عضو فى الفريق، ما عدا الدكتور أسامة الباز، إللى فضل مع الرئيس من أول لآخر لحظة!!!

■ السادات كان بيفكر بشكل إستراتيجى ومش بيبص تحت رجليه وعارف إن التفاوض يعنى "هات وخد" .. ■ لكن أعضاء الوفد كانوا "موظفين" ومتمسكين بالتفاصيل الصغيرة والشكليات!!! ■ وإللى كان ممكن تضَيَّع كل حاجة والأرض ما ترجعش!!! ■ وقبل ساعات من توقيع الإتفاقية قرر أعضاء الوفد يواجهوا السادات بمخاوفهم!!! ■ السيد_نبيل_العربى مدير الإدارة القانونية بوزارة الخارجية قابل الرئيس عشان يشرحله ..

■ نبيل_العربى_قال_للرئيس: يا ريس إحنا معترضين على الإتفاقية...السادات ولع البايب بتاعه كالعادة وسأله: معترضين على إيه...نبيل العربى إبتدى يقول الإعتراضات وكانت كلها متعلقة بمسألة فلسطين بشكل أساسى...وخصوصًا القدس، وبعض المسائل الشكلية الخاصة بالتواجد المصرى فى سيناء وإخلاء المستوطنات!!! ■ الرئيس_السادات سمع كل كلامه بهدوء شديد وبعدين سأله: خلصت؟ ■ نبيل العربى رد وقاله: أيوا يا ريس!!! ■ السادات_قاله: بُص يا إبنى.. أنا سمعت كل كلامك من غير ما أقاطعك، عشان محدش يقول إنى لا بسمع حد ولا بقرأ التقارير بتاعتكم، زى ما بتقولوا عنى من ورا ضهرى، لكن كل إللى قلته دخل من وِدْنِى اليمين وخرح من الشمال، سامحنى فى الكلمة.. أنا رجل دولة.. وإنتم شوية سباكين!!! ■ إنتم ما بتفهموش فى السياسة ولا التفاوض.. وبتبصوا على الأشجار وأنا شايف الغابة كلها!!

■ أنا_فلاح_من_المنوفية.. والفلاح لما يبقى عنده حتة أرض بيحط حديدة فى أولها وحديدة فى آخرها ويقول "دى بتاعتى"... وبعدها جاره ميقدرش يقرب منها، وهو ده إللى أنا عملته فى سيناء!!! بالإتفاقية إللى مش عجباكم دى أنا هحط حديدة فى أول سيناء وحديدة فى آخرها وكله بتوقيعهم!!! أنا_راجل_واقعى وعندى إستراتيجية عليا.. أرضى ترجع.. وأى حاجة تانية سهلة، لكن إنتم موظفين!!! ■ السياسة مش كلام فى الهوا غير قابل للتنفيذ، وكل إللى بتتكلموا فيه تفاصيل ملهاش قيمة والزمن هيثبت كلامى!!! ■ عندى شوية قيود فى سيناء؟.. ■ وماله.. أنا فى 73 كان قدامى القناة وخط بارليف وعديتهم فى 6 ساعات!!!

■وبعد_الإتفاقية دى لو حصلت حاجة قواتى هتبقى فى 6 ساعات داخل إسرائيل ..وكله مع الوقت هينتهى .. ■ ثم أنا معايا تعهدات من جيمى كارتر، أقوى رجل فى العالم، وكل المستوطنات فى سيناء هتتشال ..

■ وبالنسبة_للفلسطينيين.. أنا عملت كل إللى أقدر عليه لكن مقدرتش أجبلهم دولة .. 

■حاولت بس ده الوضع وموازين القوى.. لكن جبتلهم حق تقرير المصير وبدايات للحكم الذاتى وهمَّ وشطارتهم .. ■ همَّ بيشتمونى وأنا هسيبهم وبكره هيندموا .. ■ وبرغم كدا نبيل العربى والوفد المصرى مقتنعوش برؤية السادات وكمان قاطعوا حفل توقيع الإتفاقية فى البيت الأبيض .. ■ لكن الرئيس إتعامل إنهم ولاده ومش فاهمين ومخدش أى إجراء ضدهم مع إن كان عنده سلطة يفصلهم كلهم، زى ما نبيل العربى نفسه قال بعد كدا فى شهادته على الواقعة دى .. ■ وتفوت الأيام ويعرف الكل إن السادات كان سابق عصره، ولولا إللى عمله....كانت الأرض عمرها ما هترجع .. ■ ونبيل_العربى ذات نفسه إتسأل فى حوار سنة 2018: لو عاد الزمن إلى الوراء هل كنت ستوافق على عمل معاهدة مع إسرائيل؟ ■ فرد_وقال: لم يكن هناك حل آخر لإسترجاع أرضنا وخروج إسرائيل منها.. إما نوقع الإتفاقية أو نحاربها.. وإذا لم تتم الإتفاقية الله أعلم ما كان يمكن أن يحدث.. وربما ظلت مصر محتلة من إسرائيل حتى الآن أو بقينا فى حرب لا نعلم نتيجتها والناس بتموت ..

■وهو_ده_إللى_حصل مع إللى رفضوا طريق السادات .. ■ وعندك_الجولان محتلة لحد النهاردة .. ■ والقيود فى سيناء كلها إنتهت ..

■ أما بالنسبة للفلسطينيين. فـ ياسر عرفات بنفسه إعترف بعد سنين إن كامب ديفيد أفضل 10 مرات من إتفاق أوسلو، إللى عمله مع الإسرائيليين .. ■ وحتى فى المفاوضات طلب تضمين بنود فلسسطين إللى فى إتفاقية كامب ديفيد فى إتفاقية أوسلو لكن رفضوا طبعًا وقالوله: "إنت متأخر 15 سنة"……. يارب يا عرب يا اخوه يا اشقاء يا اللى مصيرنا واحد وديننا واحد وربنا واحد ونبينا واحد وكتابنا واحد نكون فهمنا الحكاية وفهمنا ان مصر الكبيرة الصابرة المجاهدة المرابطة اللى يوم الدين سابقة الجميع الان الان بخطوة او عدة خطوات …. مصر انا ارى الان انها سفينة نوح سفينة النجاة ….ارجوا من الجميع ان تصعدوا الى سفينة مصر وبسرعة حتى نلحق من الزمن شىء مما ضاع منا عبر سنوات من الفُرقة …….نستمر نحمد ربنا ….. وإذكروا الله كثيرا لعلكم تفلحون.