بحبك يابلدي بجاتو ابو شمس 🇪🇬
بحبك يابلدي
بجاتو ابو شمس
انا الاسكندراني
اللي تشم الملح في هدومه
واصرف كل اللي في جيبي
وعايش اليوم بيومه
لو تعب في يوم او مهموم
بيشكي للبحر همومه
والرملة والصدف حافظة منا حكايات
النخوة فالدم سارية كلامواج
وميهمناش ان قالوا علينا اعواج
هادي وبتحمل ولو زعلت بحر وهاج
بنبص لقدام وبننسي دايما اللي فات
انا الشط السهران بضي القمر وليله
انا الشبكة اللي بتعبي من البحر خيره
عشري وبيحب لنفسه زي مابيحب لغيره
درويش وبيرم اسامي وعلامات
بقلب علي الخاين والملاوع كالنوة
بس قلبي ابيض ونفسي دايما حلوة
ولو زرتنا تشرف ونعزموك علي غدوة
بحبك يابلدي ياكل الحبايب وكل الحاجات ..ايووووو
التعليقات على الموضوع