امي د لبني يونس مصر 🇪🇬
امي
من طفولتي عودتني ،
تخيط بأيديها فستاني ،
و تفصل ليا بيجامتي ،
ولما كبرت شوية كانت ملامحها هي ملامحي ،
احكي معاها كل حاجة عني ،
تنصحني ،،، وبحكمتها توعيني ،
وبخبرتها ،،،،، ترشدني ،
كانت ،،،، صديقتي ،
كانت ،،،،،،، حبيبتي ،
و انا راجعة من الكلية في البلكونه الاقيها منتظراني
وعلي السلم تستقبلني
بشوق ولهفة ،،
كاني كنت مسافرة،
وناقص تعمل لرجوعي حفلة
ولما اتخرجت ،
كانت فخورة وماشية تقول الحلوة دي .... بنتي
ولما شلت المسؤلية ،
و الدنيا جت عليا ،
واخدت مني اغلي ،
واعز ما ليا ،
كانت هي في الدنيا شريكتي ،
وشالت معايا همي ،
ولحضنها ضمتني ،
حتي بناتي كانت ليهم ام اكتر مني،
غيابك يا امي مش بس يتمني ،
ده يتم بناتي قبل مني .
التعليقات على الموضوع