إيران تكشر عن أنيابها على مسئوليتى الشخصية 🇪🇬

 إيران تكشر عن أنيابها

 على مسئوليتى الشخصية   

اللواء سامي دنيا  مصر  🇪🇬

 فيه حاجة كبيرة جداً بتتحضر لإيران دلوقتى، ترامب من ساعتين فاتوا أعلن إنه هيأجل قرار ضربها لمدة أسبوعين... لكن الحقيقة إن إللى بيحصل على الأرض دلوقتى مخيف وبيقول عكس كده تماماً ..

 إمبارح والنهاردة، حسب بيانات الأقمار الصناعية، أمريكا بدأت تسحب جزء كبير من معداتها وطياراتها الحربية من القواعد العسكرية فى الخليج، وأبرز مثال على كده هو قاعدة العديد فى قطر إللى تم إخلاؤها بالفعل من المقاتلات، وكمان، حسب تقارير نشرتها نيويورك تايمز، أمريكا بدأت فعلياً إمبارح إجلاء مسؤوليها وعائلاتهم من تل أبيب ..

وهنا_بقى_ييجى_السؤال:ليه_بيحصل_كل_ده؟ 

 وهل ترامب فعلاً بيحاول يِهْدّى ويتفاوض؟ ولا فى حاجة أكبر على وشك الحدوث، وممكن نكون على وشك رؤية أول ضرب

ة نووية إستراتيجية يتم توجيهها فى الشرق الأوسط؟ 

تعالى نحلل التطورات إللى حصلت فى آخر 24 ساعة، عشان نحاول نشوف مع بعض الموضوع بزاوية جديدة ونفهم إيه إللى ممكن يبقى جاى بالظبط.

 شوف_يا_سيدى: إللى بيحصل دلوقتى وبيتم تصديره فى الإعلام من أمريكا، غير إللى بيحصل وبيتم التحضير ليه فى الواقع خالص ..

 أمريكا بتحضر خطة خداع إستراتيجى.. بالظبط نفس إللى عملته إسرائيل فى بداية الحرب، لما كانت إيران فاكرة إن فى جولة مفاوضات ماشية مع أمريكا، وإن التوترات هتتحل بالدبلوماسية، وفجأة إسرائيل شنّت ضربة جوية مفاجئة على المواقع النووية الإيرانية ومواقع الجيش والدفاع الجوى وسببتلها خساير فادحة!!!

 أهو النهاردة بقى، نفس السيناريو ده بيتهيأ تانى … بس بمشاركة أمريكية ..

 طب_ليه_بقولك_كده؟

 السبب فى ده هو أن التقارير الدولية دلوقتى بتأكد إن إيران وصلت لتخصيب يورانيوم بنسبة 83.7%، يعنى أقل من النسبة المطلوبة لإنتاج قنابل نووية كاملة الفعالية بـ 7% بس... والنسبة دى يقدروا يوصلوها فى أقل من أسبوع لو القرار السياسى إتاخد!!!

 وبالتالى، فكرة تأجيل الضربة أسبوعين زى ما ترامب بيقول، مش منطقية خالص، لإنه لو أجلها فعلاً، ف العالم كله هيصحى كمان كام يوم على مشهد إنفجار نووى تجريبى قدام شاشات الإعلام، وإعلان من إيران إنها أصبحت لأول مرة فى التاريخ دولة نووية... ومحدش هيقدر يقربلها تانى!!! لكن_الفكرة بقى هى أن المشكلة إللى بتواجه أمريكا دلوقتى مشكلة تقنية كبيرة وصعبة جداً… "منشأة فوردو" إللى مسببة المشاكل والنزاع ده كله، واللى حسب كلامهم إيران بتطور جواها القنبلة النووية، موجودة تحت الأرض بعمق 100 متر تقريباً، ومحاطة بجبل... وأقوى قنبلة خارقة للتحصينات عند أمريكا، إللى هى الـ (GBU-57)، قادرة على إختراق الأرض لمسافة 60 متر فقط ..

 يعنى حتى لو خدوا القرار ودخلوا بطيارات B-2 Spirit وخاطروا بإن إيران تضربها أو تسقطها، ووصلوا للهدف فعلًا وضربوا القنبلة، مش هتقدر توصل للمنشأة برضو وتأثيرها هيكون محدود ..

 طب_أومال_الحل_إيه؟

1️⃣ واحد_من_الحلول إللى تم إقتراحها هى إنهم يضربوا ضربتين متتاليتين فى نفس المكان بالضبط، بحيث أن فعالية القنبلة تتضاعف وتقدر تتجاوز العمق الرهيب ده وتوصل للمنشأة.. بس المشكلة إن ده مستحيل تنفيذه بدقة من منظور عملى أو فيزيائى حتى!!!

2️⃣ الحل_التانى أخطر بكتير... ضربة نووية تكتيكية يتم توجيهها للمنشأة بحيث تقضي على مداخلها وتدفنها، وتغرق المنطقة كلها بإشعاعات ذرية تخليها غير قابلة للإستخدام ..🟢 بس القرار ده مش سهل خالص، ولو حصل؛ هيترتب عليه تبعات دولية خطيرة وغير مسبوقة، وغالباً هيتسبب فى إطلاق إيران لترسانتها الصاروخية كلها وتدمير قواعد أمريكا فى الشرق الأوسط بالكامل، وإغلاق ممر هرمز بالألغام البحرية، وده هيدخل إقتصاد الكوكب كله فى نفق مظلم، ده لو متسببش فى حرب عالمية تالتة، وإدَّى دافع لباقى الدول النووية إنها تستعمل النووى بشكل مباشر ..

🟢طب_إيه_الخيار_التالت؟!

3️⃣ الخيار_التالت بقى هو خيار إستراتيجى صعب جدًا، بس يمكن يكون أقرب خيار للتنفيذ برغم خطورته... التدخل البرى المباشر!!!

قوات خاصة أمريكية، بمشاركة من قوات النخبة الإسرائيلية، يتم إنزالهم جوياً فى منطقة "فوردو" وتحاول تدمّر المنشأة من الداخل وتقفل مداخلها بالقنابل .. 

 

الخيار_ده لو حصل فعلاً، فهو هيبقى معناه حرب شاملة ومباشرة على الأرض بين إيران، وأمريكا، وإسرائيل ..  حاجة كده شبه إللى عملته أمريكا فى "كوبا" فى الستينات فى معركة "خليج الخنازير Bay of Pigs" إللى إدت فيها الضوء لعملية إنزال جوى وغزو برى بقيادة الـ CIA عشان تحاول تغتال الزعيم الكوبي "فيدل كاسترو"، وكانت هتتسبب بعدها في حرب نووية بين أمريكا والإتحاد السوفيتى!!!

 يعنى زى ما أنت شايف... ترامب دلوقتى فى مأزق، وكل الخيارات المتاحة قدامه مش كويسة!!!

من_جهة، الشارع الأمريكى وجزء كبير من الكونجرس ضد أى تدخل عسكرى وبيضغطوا علشان يمنعوه بالقانون .. 

 ومن جهة تانية، لو ساب إسرائيل لوحدها، هتفشل فى إيقاف البرنامج النووى الإيرانى، وساعتها إيران هتعلن إنها أصبحت نووية، وده انتصار سياسى وعسكرى كبير هيقلب موازين الشرق الأوسط!!!

 والأخطر؟ إن إيران بقت دلوقتى مسيطرة على السماء الإسرائيلية نفسها!!! من ساعات قليلة، مسؤول إستخباراتى إسرائيلى صرّح لشبكة NBC إن القبة الحديدية قدرت تعترض نسبة 65% بس من الصواريخ إللى إيران أطلقتها آخر 24 ساعة، مقارنة بـ 90% اليوم اللي قبله!وده_ليه؟

 عشان إيران نفذت خطة ذكية جدا... بدأت تمطر السماء بصواريخ قديمة وضعيفة علشان ترهق الدفاعات الجوية الإسرائيلية... وبعد ما القبة الحديدية إستهلكت ذخيرتها، بدأت تستخدم الصواريخ فرط الصوتية المتطورة إللى عشان تضرب أهداف إستراتيجية حساسة بسرعة رهيبة ومن غير ما إسرائيل تقدر تعترضها ..

وده بالظبط إللى حصل الفجر إمبارح لما إيران قصفت مبنى البورصة فى تل أبيب، ومعاه بيت وزير البيئة السابق ومبنى المخابرات العسكرية ووزارة الحرب ومستشفى سوروكا العسكرى، وأخرجتهم كلهم تقريباً عن الخدمة!!! وخد_المفاجأة_بقى: حسب تقارير عسكرية، ف إيران فى خلال الضربة دى إستعملت صواريخ جديدة ذات رؤوس حربية عنقودية متعددة لأول مرة من بداية الحرب!!!

 طب_يعنى_أيه؟

 يعنى الصواريخ إللى ضربتها إيران كانت شايلة رؤوس حربية عنقودية، بتنفجر على بعد مسافة كبيرة من الهدف وتنطلق من جواها ما بين 20 لـ 30 قنبلة فرعية بتنتشر فى دايرة واسعة عشان تسبب دمار كبير على مجال واسع وتشتت أنظمة الرادار والدفاع الجوي ومتقدرش تعترضها!!! 

 الصواريخ دى تم توثيق إستخدامها فعلاً فى الضربة بتاعت الصبح، وهتلاقى صور على الميديا من الرؤوس العنقودية دى  ونتيجة ده هى أن إسرائيل دلوقتى فى أسوأ وضع دفاعى ليها من سنين طويلة!!!

 وعشان كده، ف ترامب دلوقتى يا صديقى واقف قدام إختيارين، كل واحد فيهم أصعب من التانى ..1- إما_إنه يغامر بكل شىء ويدخل فى حرب مباشرة مع إيران، وده ممكن تكون نتيجته كارثية على المنطقة كلها ..2- وإما إنه يتراجع ويسيب إيران توصل للقنبلة النووية رسمياً، وساعتها هيبقى خسر كل حاجة: هيبة أمريكا، دعم إسرائيل، وسيطرته على المنطقة.. وده عمره ما هيحصل ..■ كل ده معناه إن الشرق الأوسط دلوقتى أصبح واقف على الحافة حرفياً... والخطوة الجاية أياً كان هى إيه، ممكن تولّع المنطقة بالكامل، وتجر العالم وراها... وأفضل الحلول لمنع كل ده هو إن ايران توصل فعلاً لقنبلة نووية عشان توقف كل الجنون إللى بيحصل ده ……..فهل ده ممكن يحصل؟!

■الله أعلم!!!      دعواتكم ….. ولا تنسوا نحمد ربنا …. وإذكروا الله كثيرا لعلكم تفلحون.